ನಡೆಯಲಾಗದ ಮಗಳಿಗಾಗಿ ಕಣ್ಣೀರಿಡುತ್ತಿರುವ ಬಡ ತಾಯಿ: ಪುಟ್ಟ ಧೀಕ್ಷಾಳ ಬಾಳಿಗೆ ಬೆಳಕಾಗುವಿರಾ? | A poor family from Hoovinakone village seeks financial help for 5th-grade student Diksha, who needs a ₹3.5 lakh surgery to improve her ability to walk.
ಹೂವಿನಕೋಣೆ ಗ್ರಾಮದ ಅನಸೂಯ ಮತ್ತು ವಸಂತ್ ಕುಮಾರ್ ದಂಪತಿಯದ್ದು ತುತ್ತು ಅನ್ನಕ್ಕೂ ಕೂಲಿ ಕೆಲಸವನ್ನೇ ನಂಬಿರುವ ಬಡ ಕುಟುಂಬ. ಈ ದಂಪತಿಗೆ ಮೂವರು ಹೆಣ್ಣುಮಕ್ಕಳಿದ್ದು, ಬಡತನದ ನಡುವೆಯೂ ಮಕ್ಕಳನ್ನು ಕಷ್ಟಪಟ್ಟು ಸಾಕುತ್ತಿದ್ದಾರೆ. ಆದರೆ, ಇವರ ಮೂರನೇ ಮಗಳಾದ ಪುಟ್ಟ ಧೀಕ್ಷಾಳ ಸ್ಥಿತಿ ಮಾತ್ರ ಎಂತಹ ಕಲ್ಲು ಹೃದಯವನ್ನೂ ಕರಗಿಸುವಂತಿದೆ.
ಪ್ರಸ್ತುತ ಐದನೇ ತರಗತಿಯಲ್ಲಿ ಓದುತ್ತಿರುವ ಧೀಕ್ಷಾಳಿಗೆ ಹುಟ್ಟಿದಾಗಿನಿಂದಲೂ ಕಾಲಿನ ಅಂಗವೈಕಲ್ಯವಿದೆ. ತನ್ನ ವಯಸ್ಸಿನ ಮಕ್ಕಳೆಲ್ಲಾ ಓಡಾಡಿಕೊಂಡು, ಆಟವಾಡುತ್ತಾ ಶಾಲೆಗೆ ಹೋಗುತ್ತಿದ್ದರೆ, ಈ ಪುಟ್ಟ ಕಂದಮ್ಮನಿಗೆ ಸ್ವಂತ ಬಲದಿಂದ ಎದ್ದು ನಡೆಯಲು ಕೂಡ ಸಾಧ್ಯವಿಲ್ಲ. ಓದಲೇಬೇಕೆಂಬ ಮಗಳ ಹಂಬಲಕ್ಕೆ ಕಟ್ಟುಬಿದ್ದ ಪೋಷಕರು, ಪ್ರತಿದಿನವೂ ಅವಳನ್ನು ಕಂಕುಳಲ್ಲಿ ಹೊತ್ತುಕೊಂಡೇ ಶಾಲೆಗೆ ಕರೆದೊಯ್ದು, ಮರಳಿ ಕರೆತರುತ್ತಿದ್ದಾರೆ. ದಿನದಿಂದ ದಿನಕ್ಕೆ ಬೆಳೆಯುತ್ತಿರುವ ಮಗಳನ್ನು ಹೀಗೆಯೇ ಎಷ್ಟು ದಿನ ಹೊತ್ತು ತಿರುಗುವುದು? ನಮ್ಮ ನಂತರ ಇವಳ ಗತಿಯೇನು? ಎಂಬ ಆತಂಕ ಆ ಬಡ ತಂದೆ-ತಾಯಿಯನ್ನು ಹಗಲಿರುಳು ಕಾಡುತ್ತಿದೆ.
ಇಂತಹ ಕತ್ತಲೆಯ ಬದುಕಿನಲ್ಲಿ ಈಗೊಂದು ಆಶಾಕಿರಣ ಮೂಡಿದೆ. ಬೆಂಗಳೂರಿನ ಖ್ಯಾತ ರೇನ್ಬೋ (Rainbow) ಆಸ್ಪತ್ರೆಯ ವೈದ್ಯರಾದ ಡಾ. ಜಯಂತ್ ಅವರು ಬಾಲಕಿಯನ್ನು ಪರೀಕ್ಷಿಸಿ, ಶಸ್ತ್ರಚಿಕಿತ್ಸೆಯ ಮೂಲಕ ಧೀಕ್ಷಾಳನ್ನು ನಡೆಯುವಂತೆ ಮಾಡಬಹುದು ಎಂಬ ಭರವಸೆ ನೀಡಿದ್ದಾರೆ. ಇದರ ಅಂಗವಾಗಿ ಶಿವಮೊಗ್ಗದ ಆರಾಧನಾ ಆಸ್ಪತ್ರೆಯಲ್ಲಿ ಧೀಕ್ಷಾಳ ಮೊಣಕಾಲು ಶಸ್ತ್ರಚಿಕಿತ್ಸೆಗೆ ಸಕಲ ಸಿದ್ಧತೆ ನಡೆಸಲಾಗಿದೆ.
ಆದರೆ, ಈ ಶಸ್ತ್ರಚಿಕಿತ್ಸೆಗೆ ಸುಮಾರು 3.50 ಲಕ್ಷ ರೂಪಾಯಿಗಳ ವೆಚ್ಚವಾಗಲಿದೆ ಎಂದು ವೈದ್ಯರು ತಿಳಿಸಿದ್ದಾರೆ. ದಿನಗೂಲಿ ಮಾಡಿ ಜೀವನ ಸಾಗಿಸುವ ಅನಸೂಯ ಮತ್ತು ವಸಂತ್ ಕುಮಾರ್ ದಂಪತಿಗೆ ಇಷ್ಟೊಂದು ದೊಡ್ಡ ಮೊತ್ತವನ್ನು ಹೊಂದಿಸುವುದು ಕನಸಿನ ಮಾತಾಗಿದೆ. ಮಗಳ ಕಣ್ಣೀರನ್ನು ಒರೆಸಿ, ಅವಳೂ ಎಲ್ಲರಂತೆ ನಡೆದಾಡುವುದನ್ನು ನೋಡಬೇಕೆಂಬ ಹೆತ್ತವರ ಆಸೆಗೆ ಬಡತನ ಅಡ್ಡಗಾಲಾಗಿದೆ.
ಸಹೃದಯಿ ದಾನಿಗಳೇ, ನಿಮ್ಮ ಒಂದು ಸಣ್ಣ ಸಹಾಯ ಈ ಪುಟ್ಟ ಬಾಲಕಿಯ ಬದುಕನ್ನೇ ಬದಲಿಸಬಲ್ಲದು. ಹೊತ್ತು ತಿರುಗುವ ತಾಯಿಯ ಭಾರವನ್ನು ಇಳಿಸಿ, ಧೀಕ್ಷಾ ಸ್ವಂತ ಕಾಲ ಮೇಲೆ ನಿಲ್ಲುವಂತೆ ಮಾಡಲು ನಿಮ್ಮ ಕೈಲಾದ ಆರ್ಥಿಕ ನೆರವು ನೀಡಿ ಮಾನವೀಯತೆ ಮೆರೆಯಬೇಕಾಗಿ ವಿನಂತಿ. ನಿಮ್ಮ ದಾನ ಪುಟ್ಟ ಕಂದಮ್ಮನ ಬಾಳಿಗೆ ಹೊಸ ಬೆಳಕಾಗಲಿ.
ಹೆಚ್ಚಿನ ಮಾಹಿತಿಗೆ ಧೀಕ್ಷಾಳ ತಾಯಿ ಅನಸೂಯ ರವರ ನಂಬರ್ ಗೆ ಕರೆ ಮಾಡಿ : 8549035886
