ರಿಪ್ಪನ್ ಪೇಟೆ : ಭಾನುವಾರ ನಡೆದ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಜಿಲ್ಲಾಧ್ಯಕ್ಷರ ಚುನಾವಣೆಯಲ್ಲಿ ಶಿವಮೊಗ್ಗ ಜಿಲ್ಲಾ ಅಧ್ಯಕ್ಷರಾಗಿ ಡಿ ಮಂಜುನಾಥ್ ಅವರು ಆಯ್ಕೆಯಾಗಿರುವುದಕ್ಕೆ ರಿಪ್ಪನ್ ಪೇಟೆಯ ವಿನಾಯಕ ವೃತ್ತದಲ್ಲಿ ಕನ್ನಡ ಸಾಹಿತ್ಯ ಅಭಿಮಾನಿಗಳು ಪಟಾಕಿ ಸಿಡಿಸುವುದರ ಮೂಲಕ ಸಂಭ್ರಮ ಆಚರಿಸಿದರು
ಕನ್ನಡ ನಾಡು-ನುಡಿಗೆ ಅನೇಕ ವಿನೂತನ ಕಾರ್ಯಕ್ರಮವನ್ನು ಅಧಿಕಾರವಿಲ್ಲದೆ ಡಿ ಮಂಜುನಾಥ್ ಅವರ ಸೇವೆ ಹಾಗೂ ಕಾರ್ಯ ಶ್ಲಾಘನೀಯ ಹಾಗೇಯೆ ಅವರು ಜಿಲ್ಲಾ ಕಸಪಾ ಅಧ್ಯಕ್ಷರಾಗಿ ಆಯ್ಕೆಯಾಗಿರುವುದಕ್ಕೆ ಪಟ್ಟಣದ ಸಾಹಿತ್ಯ ಅಭಿಮಾನಿಗಳು ಸಂತೋಷವನ್ನು ವ್ಯಕ್ತಪಡಿಸಿ ಪಟಾಕಿ ಸಿಡಿಸಿ ಸಂಭ್ರಮ ಪಟ್ಟರು.
ಈ ವಿಜಯೋತ್ಸವ ಸಂದರ್ಭದಲ್ಲಿ ಹೊಸನಗರ ತಾಲೂಕಿನ ಸಾಹಿತ್ಯ ಕ್ಷೇತ್ರದ ಪೋಷಕರಾದ ಹಿರಿಯ ಪತ್ರಕರ್ತರಾದ ತ.ಮ ನರಸಿಂಹ ಹಾಗೂ ಹಿರಿಯ ಸಾಹಿತಿ ಮಂಜುನಾಥ್ ಕಾಮತ್ ರವರಿಗೆ ಸಾಹಿತ್ಯಾಭಿಮಾನಿಗಳು ವಿನಾಯಕ ಸರ್ಕಲ್ ನಲ್ಲಿ ಸನ್ಮಾನಿಸಿ ಗೌರವ ಸೂಚಿಸಿದರು.
ಈ ಸಂಧರ್ಭದಲ್ಲಿ ಕಸ್ತೂರಿ ಕನ್ನಡ ಸಂಘದ ಅಧ್ಯಕ್ಷರಾದ ಆರ್ ಎ ಚಾಬು ಸಾಬ್,ಸಾಹಿತ್ಯಾಭಿಮಾನಿಗಳಾದ ಆರ್ ಎನ್.ಮಂಜುನಾಥ್,ಅಮೀರ್ ಹಂಜಾ,ಎಂ ಎಂ . ಪರಮೇಶ್, ಆಸಿಫ಼್ ಭಾಷಾಸಾಬ್. ಪ್ರಕಾಶ್ ಪಾಲೇಕರ್, ಜಿ. ಆರ್ ಗೋಪಾಲಕೃಷ್ಣ, ಮಂಜ ನಾಯಕ್, ಆರ್ ಎಸ್ ಶಂಶುದ್ದೀನ್ ಶ್ರೀಧರ್ ,ಫ್ಯಾನ್ಸಿ ರಮೇಶ್,ಸುಗಂಧರಾಜ್,ಉಲ್ಲಾಸ್,ಪ್ರವೀಣ್ ಸುಳುಕೋಡು,ಪ್ರಕಾಶ್ ಪಾಲೇಕರ್ ಹಾಗೂ ಇನ್ನೂ ಮುಂತಾದವರು ಹಾಜರಿದ್ದರು.