ಹಲ್ಲೆಗೊಳಗಾಗಿದ್ದ ಅಮ್ಜದ್ ಚಿಕಿತ್ಸೆ ಫಲಿಸದೇ ಸಾವು | ಪೊಲೀಸರ ರಾ ಏಜೆಂಟ್ ಕೊಲೆಗೆ ಕಾರಣವೇನು..!!??

ಅಮ್ಜದ್ ಅಪರಾಧ ಲೋಕದ ನಡುವೆ ಬದುಕುತ್ತಿದ್ದ, ಆದರೆ ಕಾನೂನಿನ ಬದಿಯಲ್ಲಿದ್ದ. ಹೊರಗಿನ ಕಣ್ಣಿಗೆ ಇಸ್ಪೀಟು ದಂಧೆಗಾರ, ಪೊಲೀಸರ ದೃಷ್ಟಿಗೆ ರಾ ಏಜೆಂಟ್! ಇದೇ ಅಮ್ಜದ್‌ನ ನಿಜವಾದ ಚಿತ್ರ. ಶಿವಮೊಗ್ಗ ನಗರದ ಗಲಭೆ, ಕೊಲೆ, ಕ್ರೈಂ ಎಂಬ ಎಲ್ಲ ಕಥೆಗಳಲ್ಲಿ ಅಜ್ಞಾತವಾಗಿ ಭಾಗಿಯಾಗಿದ್ದ ಈ ವ್ಯಕ್ತಿ, ಇನ್ನು ಇಹಲೋಕದಲ್ಲಿಲ್ಲ.

ಪೊಲೀಸರ ನಂಬಿಕೆಯ “ರಹಸ್ಯ ಹಸ್ತ”

ಅಮ್ಜದ್ ಹೆಸರು ಕೇಳಿದರೆ ಕ್ರೈಂ ಲೋಕದವರು ನಡುಗುತ್ತಿದ್ದರು. ಆದರೆ ಪೊಲೀಸರ ಕಚೇರಿಯಲ್ಲಿ ಅವನು “ಅವಶ್ಯಕ ಮಾಹಿತಿ ಮೂಲ” ಆಗಿದ್ದ. ರಾಜ್ಯದ 500ಕ್ಕೂ ಹೆಚ್ಚು ಪ್ರಕರಣಗಳಲ್ಲಿ ಅವನು ಹೈ ವಿಟ್ನೆಸ್ ಆಗಿದ್ದ ಎನ್ನುವುದು ಸತ್ಯಕ್ಕಿಂತ ವಿಚಿತ್ರ! ಜೀವದ ಹಂಗು ತೊರೆದು ಅವನು ನೀಡಿದ ಸಾಕ್ಷಿ ಅನೇಕ ಅಪರಾಧಿಗಳನ್ನು ಕಬ್ಬಿಣದ ಕಟಕಗಳ ಹಿಂದೆ ಕೂರಿಸಿತು.

ಮತೀಯ ಸೌಹಾರ್ದದ ಕವಚ

ಶಿವಮೊಗ್ಗ — ಯಾವಾಗಲೂ ಸೂಕ್ಷ್ಮ ನಗರ. ಆದರೆ ಗಲಭೆ ಮೊಳೆಕೆಯ ಮೊದಲು ಪೊಲೀಸರಿಗೆ ಎಚ್ಚರ ನೀಡುತ್ತಿದ್ದವನು ಅಮ್ಜದ್. ಮುಸ್ಲಿಂ ಸಮುದಾಯದ ಒಳಗೆ ಉಕ್ಕುತ್ತಿದ್ದ ಅಸಮಾಧಾನದ ಕಿಚ್ಚುಗಳು ಪೊಲೀಸರ ತನಿಖೆ ತಲುಪುವುದಕ್ಕೂ ಮುಂಚೆ ಅವನಿಗೆ ತಲುಪುತ್ತಿದ್ದವು. ಅಮ್ಜದ್ ನೀಡಿದ ನಿಖರ ಮಾಹಿತಿಯಿಂದ ಅನೇಕ ಮತೀಯ ಗಲಭೆಗಳು ನಡೆಯದೇ ನಿಂತವು.

ಹರ್ಷ ಕೊಲೆ ಪ್ರಕರಣದ ಹಿಂದೆ ಅಮ್ಜದ್

ಹಿಂದು ಹರ್ಷ ಕೊಲೆ ಪ್ರಕರಣದ ಬಳಿಕ ರಾಜಕೀಯ ಒತ್ತಡ ತೀವ್ರವಾಗಿದ್ದಾಗ, ಪೊಲೀಸರು ಮಾಹಿತಿ ಸಿಗದೇ ಆಗ ಹಿಂಬದಿಯಲ್ಲಿ ಕೆಲಸ ಮಾಡಿದವನೇ ಅಮ್ಜದ್. ಆರೋಪಿಗಳ ಅಡಗಿರುವ ಸ್ಥಳವನ್ನು ಪತ್ತೆಹಚ್ಚಿ ಪೊಲೀಸರಿಗೆ ಪೂರಕ ಮಾಹಿತಿ ನೀಡಿದ್ದ ಅವನ ಧೈರ್ಯದಿಂದಲೇ ಬಂಧನ ಸಾಧ್ಯವಾಯಿತು. ಇದೇ ರೀತಿಯಾಗಿ ಜೀವನ ಕೊಲೆ ಪ್ರಕರಣದಲ್ಲೂ ಅಮ್ಜದ್ ಪ್ರಮುಖ ಕೊಂಡಿಯಾಗಿದ್ದ.

ಸಮಾಜಮುಖಿ ಅಮ್ಜದ್

ಅಮ್ಜದ್ ಕೇವಲ ಕ್ರೈಂ ಇನ್ಫಾರ್ಮರ್ ಅಲ್ಲ. ಅವನು ಜನಪರ ಹೃದಯವಂತ. ಗಣಪತಿ ಹಬ್ಬವಾಗಲಿ, ಮಾರಿಹಬ್ಬವಾಗಲಿ — ಅವನಿಂದ ಸಹಾಯ ಪಡೆಯದವರು ವಿರಳ. ಅಯ್ಯಪ್ಪ ಮಾಲಧಾರಿಗಳಿಗೆ ಶಬರಿಮಲೆಯ ಪ್ರಯಾಣಕ್ಕೆ ನೆರವಾಗುತ್ತಿದ್ದ, ಕನ್ನಡ ರಾಜ್ಯೋತ್ಸವದ ಕಾರ್ಯಕ್ರಮಗಳಿಗೆ ಕೈಹಾಕುತ್ತಿದ್ದ. ಧರ್ಮದ ಹೆಸರಿನಲ್ಲಿ ವಿಭಜನೆಯಲ್ಲ, ಏಕತೆಯಲ್ಲೇ ಅವನ ನಂಬಿಕೆ ಇತ್ತು.

ಪೌಝಾನ್ ವಿರುದ್ಧದ ಮಾಹಿತಿಯಿಂದ ಶುರುವಾದ ದ್ವೇಷ

ಕೆಲ ತಿಂಗಳ ಹಿಂದೆ ರೌಡಿ ಪೌಝಾನ್ ತನ್ನ ಹುಟ್ಟುಹಬ್ಬದ ಸಂಭ್ರಮದಲ್ಲಿ ಕ್ರೈಂ ಪ್ಲಾನ್ ರೂಪಿಸುತ್ತಿದ್ದನೆಂಬ ಮಾಹಿತಿಯನ್ನು ಅಮ್ಜದ್ ಪೊಲೀಸರಿಗೆ ನೀಡಿದ. ಅದೇ ಪ್ಲಾನ್ ಫ್ಲಾಪ್ ಆಗಿ ಪೌಝಾನ್ ಜೈಲಿಗಟ್ಟಿದ. ಅದಾದ ಬಳಿಕ ಹುಟ್ಟಿದ ವೈಮನಸ್ಸು ಈಗ ಕೊಲೆಯ ರೂಪ ಪಡೆದಿದೆ ಎಂಬ ಶಂಕೆ ಕಾಡುತ್ತಿದೆ.
ಇದು
ಒಬ್ಬ ಇನ್ಫಾರ್ಮರ್‌ನ ಮೌನ ಅಂತ್ಯ

ಅಮ್ಜದ್ ಸಾವು ಕೇವಲ ಒಬ್ಬನ ಅಂತ್ಯವಲ್ಲ; ಅದು ಪೊಲೀಸ್ ಇಲಾಖೆಯ ನಿಷ್ಕಪಟ ಸ್ನೇಹದ ಅಂತ್ಯ. ಅವನಿಲ್ಲದಿರುವುದು ಪೊಲೀಸ್ ತನಿಖೆಗೆ ಖಾಲಿ ಬಿಟ್ಟ ಸ್ಥಳದಂತೆ. ಕತ್ತಲಲ್ಲಿ ಬೆಳಕಾಗಿದ್ದ ಅವನು ಇಂದು ನಿಜವಾಗಿಯೂ ಕತ್ತಲಲ್ಲಿ ಲೀನನಾಗಿದ್ದಾನೆ.